საფონოვმა პრეტენზიები გაზარდა - პსჟ ახალ მეკარეს დაიმატებს და რუსს უკრაინელით ჩაანაცვლებს
ერთ-ერთი ყველაზე გავლენიანი ფრანგული სპორტული გამოცემა 'L'Équipe'-ს ინფორმაციით, პსჟ-სა და რუს მეკარეს - მატვეი საფონოვს შორის ურთიერთობა მას შემდეგ დაიძაბა, რაც კლუბიდან ჯანლუიჯი დონარუმა წავიდა და მეკარის პოზიცია დროებით ვაკანტური იყო.
'L'Équipe'-ს გავრცელებულ ინფორმაციაში ვკითხულობთ, რომ დონარუმას წასვლის შემდეგ, 26 წლის რუსმა მეკარემ სურვილი და პრეტენზია გამოთქვა, რომ იგი კლუბის პირველი მეკარე უნდა ყოფილიყო, თუმცა ყველაფერი სხვანაირად მოხდა - კლუბმა ლუკას შევალიე დაიმატა, რომელიც პსჟ-ს პირველი მეკარე გახდა და ლუის ენრიკე თითქმის ყველა პრესკონფერენციაზე აღნიშნავს, რომ ფრანგი მეკარე, ძალიან მნიშვნელოვანი იქნება გუნდისთვის მრავალი წლის განმავლობაში.
🚨🆕 #PSG 🇷🇺
— Ekrem KONUR (@Ekremkonur) October 24, 2025
Matvey Safonov is struggling for minutes at PSG and open to a January move.
👀Clubs from Seri A, Portugal’s top flight and La Liga are exploring a loan deal. pic.twitter.com/C7t2eba3Qb
26 წლის რუსი ითხოვს, რომ მეტი სათამაშო დრო მიეცეს და ამის გამო უკმაყოფილოა, რის გამოც, იგი კლუბს სავარაუდოდ იანვარში დატოვებს.
პსჟ-ს კი უკვე მოძებნილი ჰყავს მეკარე, რომელიც რუსს ჩაანაცვლებს. 'L'Équipe' ინფორმაციით, პარიზული გრანდი ძალიან არის დაინტერესებული ბენფიკას უკრაინელი მეკარით - ანატოლი ტრუბინით ჩაანაცვლებს.
შეგახსენებთ, რომ მატვეი საფონოვი პსჟ-ს ღირსებას 2024/2025 წლების სეზონიდან იცავს, რა პერიოდშიც 17 თამაში ჩაატარა, აქედან 2 ჩემპიონთა ლიგაზე, 10 ლიგა 1-ში და 5 საფრანგეთის თასზე - მას რუსეთის ყველა ასაკობრივი ნაკრები აქვს გამოვლილი ახლა კი ეროვნული ნაკრების მთავარი მეკარეა.
სხვა სტატიები
