რუსეთის ნაკრებთან თამაშს არც შვედები აპირებენ

შვედეთის ფეხბურთის ფედერაციამ დაადასტურა, რომ მათი ნაკრები რუსეთის წინააღმდეგ მსოფლიო ჩემპიონატის შესარჩევი ეტაპის ფლეიოფში თამაშს არ აპირებს. ფედერაციის პრეზიდენტის, კარლ-ერიკ ნილსონის განცხადებით, გადაწყვეტილება უკვე მიღებულია და მნიშვნელობა არ აქვს თუ სად ჩაინიშნება მატჩი. გარდა ამისა, შვედები ფიფას მოუწოდებენ, რომ გაუქმდეს საფლეიფო შეხვედრები, რომელშიც რუსეთი მონაწილეობს.

,,უკრაინაში უკანონო და უსამართლო შეჭრა რუსეთთან საფეხბურთო მატჩის გამართვას შეუძლებელს ხდის. გვიჭირს იმის დაჯერება, რომ ფიფა ჩვენს პოზიციას არ გაითვალისწინებს. მანამ, სანამ ეს სიგიჟე გრძელდება, რუსეთი ვერ შემოგვიერთდება,'' - წერია განცხადებაში.

---

SvFF´s besked: Herrlandslaget kommer inte att spela mot Ryssland – oavsett var matchen spelas. Förbundsstyrelsen uppmanar samtidigt FIFA att ställa in de play off-matcher i mars där Ryssland deltar. — Svensk Fotboll (@svenskfotboll) February 26, 2022