რონალდუ ესპანეთამდე: "ვიღაცებს უნდათ, ეს ჩემი ბოლო თამაში იყოს"

მსოფლიო ჩემპიონატზე, პორტუგალია/ესპანეთის მატჩის წინა დღეს გამართულ პრესკონფერენციაზე, კრიშტიანუ რონალდუმ, ბრაზილიელ ჟურნალისტს, მარსელო ბეხლერს კითხვის დასმა სთხოვა.

თავდამსხმელმა მოითხოვა, რომ მიკროფონი ბეხლერისთვის გადაეცათ და აღნიშნა: „ვიცი, რომ მას არ მოვწონვარ“.

ჟურნალისტმა ფეხბურთელს ჰკითხა, თუ რა იყო ყველაზე რთული 41 წლის ასაკში მსოფლიო ჩემპიონატზე ასპარეზობისას. რონალდუმ კითხვას შემდეგნაირად უპასუხა:

რონალდუმ ასევე დაამატა, რომ სურს მაქსიმალურად ისიამოვნოს მიმდინარე ტურნირით, რადგან ეს მისთვის ბოლო მსოფლიო ჩემპიონატია, და იმედი გამოთქვა, რომ მომავალი მატჩი მისი უკანასკნელი შეხვედრა არ იქნება - "მე კარიერას მაშინ დავსრულებ, როცა თავად მოვინდომებ და არა მაშინ, როცა თქვენ გინდათ".

აღსანიშნავია, რომ 2022 წელს ბეხლერმა რონალდუ მანჩესტერ იუნაიტედში მეორედ ყოფნის პერიოდში „წუწუნში“ დაადანაშაულა. შესაბამისად, ოქროს ბურთის ხუთგზის მფლობელს კარგად ახსოვდა მის მიმართ მანამდე გაჟღერებული კრიტიკა.

მიუხედავად იმისა, თუ როგორ გამოიყურება მისი სტატისტიკა სხვა მოთამაშეებთან, მაგალითად ლეო მესისთან ან კილიან მბაპესთან შედარებით, რონალდუ ისტორიაში ერთ-ერთ უდიდეს საერთაშორისო ფეხბურთელად რჩება.

მას პორტუგალიის ნაკრებში ჩატარებულ 232 მატჩში 146 გოლი აქვს გატანილი, რაც ისტორიაში, ეროვნულ გუნდებში გატანილი გოლების საუკეთესო მაჩვენებელია. ესპანეთთან მერვედფინალურ შეხვედრამდე, რონალდუს მსოფლიო ჩემპიონატებზე სულ 11 გოლი აქვს გატანილი, რითაც იგი მეცხრე ადგილზეა და ჩამორჩება ისეთ მოთამაშეებს, როგორებიც არიან მესი (20 გოლი), მბაპე (19 გოლი) და ჰარი კეინი (13 გოლი).