მადრიდის "რეალმა" საკუთარ მოედანზე, მოსკოვის "ცსკა-სთან" გამართულ მატჩში სამარცხვინო მარცხი იწვნია - მადრიდელებმა 3 უპასუხო გოლი გაუშვეს და ძალიან დიდი ხნის შემდეგ, ბერნაბეუზე დამარცხდნენ.
საინტერესო ფაქტია, რომ "სამეფო გუნდმა" ჩემპიონთა ლიგის ჯგუფურ ეტაპზე უკანასკნელად მარცხი 2009 წლის 21 ოქტომბერს იწვნია - მაშინ "რეალი" იტალიურ "მილანს" ეთამაშებოდა. მიუხედავად იმისა, რომ "რეალი" ფავორიტად ითვლებოდა, "მილანმა" ბერნაბეუზე შესანიშნავად ითამაშა და დრამატულ მატჩში ანგარიშით 2:3 გაიმარჯვა.
