რიკარდო კვარეჟმა: "სირცხვილია, სახლში თავჩახრილები ვბრუნდებით"
2026 წლის მსოფლიო ჩემპიონატის 1/8-ფინალის მორიგ დაპირისპირებაში პორტუგალია ესპანეთთან 0:1 დამარცხდა, ერთადერთი გოლი მიკელ მერინომ 90+1 წუთზე გაიტანა და თავისი ნაკრები მომდევნო ეტაპზე გაიყვანა, სადაც აშშ/ბელგიის წყვილიდან გამარჯვებულს შეხვდება.
პორტუგალიელთა მარცხით კრიშტიანუ რონალდუს უდიდესი სანაკრებო ეპოქა დასრულდა, რომელმაც ოფიციალურად დაადასტურა, რომ ეს მისთვის ბოლო მუნდიალი იყო და არც მის ეროვნულ ნაკრებში თამაშს არ უწერია დიდი ხანი.
პორტუგალიის ნაკრების 1/8-ფინალიდან გამოვარდნის შემდეგ, მათ ქვეყანაში ფეხბურთის კომპეტენტური გულშემატკივრებისა და მედიისგან დიდი კრიტიკა მიიღეს. მათ შორის არის რიკარდო კვარეჟმა, ვეტერანი პორტუგალიელი ფეხბურთელი.
ყველა ამბობდა, რომ ეს გუნდი პორტუგალიის ისტორიაში საუკეთესო იყო, მაგრამ რა მხრივ? რა მოიგეს მათ? ჩვენ სახლში თავჩაქინდრულები ვბრუნდებით.
ნახევარდაცვაში შესანიშნავი მოთამაშეები და უამრავი ნიჭიერი ფეხბურთელი გვყავს, მაგრამ ამ მსოფლიო ჩემპიონატზე ისინი ძალიან, ძალიან სუსტები იყვნენ. იგივე ითქმის თავდასხმაზეც, დაცვა კი საერთოდ დაკარგული იყო.
საუკეთესო, რაც შემიძლია გავაკეთო, აქ გაჩერებაა, თორემ ისეთ რამეებს ვიტყვი, რასაც მოგვიანებით ვინანებ..." - რიკარდო კვარეჟმა
🚨 𝗥𝗜𝗖𝗔𝗥𝗗𝗢 𝗤𝗨𝗔𝗥𝗘𝗦𝗠𝗔 𝗗𝗘́𝗧𝗥𝗨𝗜𝗧 𝗟𝗔 𝗦𝗘́𝗟𝗘𝗖𝗧𝗜𝗢𝗡 𝗣𝗢𝗥𝗧𝗨𝗚𝗔𝗜𝗦𝗘 ! 🇵🇹😳
— Instant Foot ⚽️ (@lnstantFoot) July 6, 2026
"Tout le monde disait que cette équipe était la meilleure de l’histoire du Portugal, mais en quoi ? Qu’ont-ils gagné ? On rentre à la maison, la tête baissée.
Au milieu de… pic.twitter.com/z5cizCEBbh
კვარეჟმას ამ სიტყვებმა პორტუგალიურ მედიასა და გულშემატკივრებში დიდი გამოხმაურება გამოიწვია. აშკარაა, რომ 2026 წლის მუნდიალზე განცდილი მარცხის შემდეგ, პორტუგალიურ ფეხბურთს მძიმე კრიზისიდან გამოსვლა და მოუწევს.
სხვა სტატიები
