რაშფორდი: "მოუთმენლად ველი ელ კლასიკოს, აქ სწორედ ამიტომ მოვედი"

ჩემპიონთა ლიგის მე-3 ტურში, ბარსელონამ ოლიმპიაკოსს უმასპინძლა და 6:1 გაანადგურა. კატალონიელებმა ელ კლასიკომდე, გადახალისებული შემადგენლობით ძალიან მარტივი გამარჯვება მოიპოვეს.

ოლიმპიაკოსის დამარცხების შემდეგ, მატჩის ერთ-ერთმა მთავარმა გმირმა - მარკუს რაშფორდმა, მოახლოებულ 'ელ კლასიკოზე' ისაუბრა და აღნიშნა, რომ ბარსელონაში გადმოსვლის ერთ-ერთი მიზეზი სწორედ ეს პრინციპული დაპირისპირება იყო.

27 წლის ინგლისელი ბარსელონაში სეზონის სტარტზე მივიდა და საოცარ ფორმაში გამოიყურება. მან 12 მატჩი ჩაატარა, რა პერიოდშიც 5 გოლისა და 6 საგოლე გადაცემის შესრულება შეძლო.

ახალი სეზონის პირველი 'ელ კლასიკო' 26 ოქტომბერს, თბილისის დროით 19:15 საათზე გაიმართება.