რაიან შერკი: "ჩემი სადებიუტო გოლი არ მაინტერესებს, იმედგაცრუებულები ვართ"

უეფას ერთა ლიგის ფინალის საგზურისთვის ორი გამორჩეული ევროპული ნაკრები იბრძოდა. შტუტგარტში ჩატარებული შეხვედრა ერთ-ერთი ყველაზე დასამახსოვრებელი იქნება გულშემატკივრებისათვის - ესპანეთმა საფრანგეთის ნაკრები 5:4 დაამარცხა და ფინალში გავიდა.

ბრწყინვალე დებიუტი ჰქონდა 21 წლის რაიან შერკის, რომელიც მოედანზე მატჩის 63-ე წუთზე გამოჩნდა და ბრწყინვალე მოქმედებებითა და ულამაზესი გოლით დაგვამახსოვრა, თუმცა როგორც ჩანს იგი ამაზე დიდად არ ღელავს და მარცხით იმედგაცრუებულია.

მან ასევე დაადასტურა ინტერესი მანჩესტერ სიტის მხრიდან და აღნიშნა, რომ გადაწყვეტილებას მალე საჯაროდ გამოაცხადებს.

8 ივნისს, ესპანეთი პორტუგალიასთან ჩემპიონობისთვის იბრძოლებს, საფრანგეთი კი მესამე ადგილის დასაკავებლად გერმანიის დამარცხებას შეეცდება.