'პრობლემა აღარაა' - იამალი ცვლილების გამო გაბრაზდა
ლიგის ფაზის მე-6 ტურში ბარსელონამ ფრანკფურტის აინტრახტს უმასპინძლა და მეტოქე 2:1 დაამარცხა. კატალონიელებმა მატჩის ბედის შემოტრიალება მეორე ტაიმში შეძლეს, ორივე გოლი ჟიულ კუნდეს ანგარიშზეა. ჰანსი ფლიკმა ლამინე იამალი 89-ე წუთზე შეცვალა, თუმცა ესპანელ ვუნდერკინდს ეს არ ესიამოვნა და უკმაყოფილება გამოხატა. მატჩის შემდეგ, ბარსელონას მწვრთნელმა ამ ფაქტის შესახებ ისაუბრა.
ლამინე თამაშის დასრულებამდე რამდენიმე წუთით ადრე შევცვალეთ, რადგან ყვითელი ბარათი მიიღო და თამაშიც ბოლოსკენ მიდიოდა. მე მოედანზე 'ახალი ფეხები' მჭირდებოდა.
მისი გაღიზიანება სრულად მესმის და მომწონს კიდეც. მეც მოთამაშე ვიყავი. ეს სრულიად მისაღებია და პრობლემას არ წარმოადგენს. ის ახალგაზრდაა და ასეც უნდა იქცეოდეს. - დაიცვა ჰანსი ფლიკმა იამალი
🚨 Hansi Flick: “Lamine Yamal was a bit disappointed for the sub, but I needed fresh legs”.
— Fabrizio Romano (@FabrizioRomano) December 10, 2025
“Lamine is like that. He's young and I think his attitude is good, it's good that he reacts when he comes off. It's not a problem”. pic.twitter.com/J5yJMpjmyS
აღსანიშნავია, რომ ჩემპიონთა ლიგაზე, იამალმა უკვე მოასწრო 3 ყვითელი ბარათის მიღება, რაც იმას ნიშნავს, რომ მომდევნო ტურის მატჩს, პრაღის სლავიასთან გამოტოვებს.
ბარსელონასთვის ეს გამარჯვება მნიშვნელოვანი იყო, გუნდს 10 ქულა აქვს და მე-14 ადგილზეა. ლიგის ფაზის დასრულებამდე 2 ტურია დარჩენილი და კატალონიელებისთვის რთული იქნება, რომ ადგილი პირველ 8 გუნდში დაიკავოს.
.70.webp)
სხვა სტატიები
