ქართული საკლუბო ფეხბურთისთვის უსახური დღე გამოდგა - კონფერენსლიგის პირველი საკვალიფიკაციო ეტაპის პირველ წრეში სამივე ქართული კლუბი დამარცხდა. დღის ბოლო მარცხი "დინამო თბილისმა" ესტონურ "პაიდესთან" იწვნია.
საქართველოს ყველაზე ტიტულოვანი კლუბი ესტონეთის მიმდინარე ჩემპიონატის მეოთხეადგილოსან "პაიდესთან" 2:3 დამარცხდა. მიუხედავად იმისა, რომ თბილისური კლუბი მატჩშს 2-ჯერ იგებდა, საბოლოოდ მაინც სამარცხვინოდ დამარცხდა.
მოდით დეტალურად განვიხილოთ, თუ ვისთან დამარცხდა საქართველოს ყველაზე ტიტულოვანი კლუბი, კონფერენს ლიგის პირველი საკვალიფიკაციო ეტაპის პირველ მატჩში.
დაარსების თარიღი- 2004 წელი
მიღწევები/ტიტულები - ესტონეთის თასის გამარჯვებული (2021 წელს)
სტადიონის ტევადობა - 768 ადამიანი
ევროტურნირებზე ასპარეზობა - ერთადერთი გამარჯვება ევროტურნირებზე ("დინამო თბილისთან"). 4 გატანილი გოლი ("დინამო თბილისთან" თამაშამდე, მათ ევროტურნირებზე მხოლოდ 1 გოლი ჰქონდათ გატანილი).
კლუბის საერთო ღირებულება- €3.53 მილონი ევრო.
"დინამო თბილისისა" და "პაიდეს" საპასუხო მატჩი 14 ივლისს, ესტონეთში გაიმართება.
