იტალიის ნაკრებს კორონავირუსის ახალი ტალღა უტევს. ამჯერად, COVID19-ით ინფიცირება ფედერიკო ბერნარდესკის დაუდასტურდა.
ტურინის "იუვენტუსის" ოფიციალური ვებ-გვერდის ინფორმაციით, ლეონარდო ბონუჩისინიფიცირებიდან ხუთი დღის შემდეგ, ფედერიკო ბერნარდესკისთვის COVID-19-ზე ჩატარებულმა ტესტმა დადებითი პასუხი მიიღო.
როგორც ირკვევა, 27 წლის შემტევის დაავადება უსიმპტომოდ მიმდინარეობს და ის უკვე იზოლირებულია.
"კლუბი კონტაქტში რჩება ჯანდაცვის შესაბამის ორგანოებთან და პროტოკოლის ნორმების მიხედვით აგრძელებს ჯგუფურ ვარჯიშებს", - წერს ბიანკონერის ოფიციალური ვებ-გვერდი.
ბერნარდესკის გარდა, ბოლო კვირის განმავლობაში, კორონავირუსით ალესანდრო ფლორენცი და მარკო ვერატი, ასევე მეკარეები ალესიო კრანო და სალვატორე სირიგუ მოხვდნენ.
ბერნარდესკიმ მიმდინარე სეზონში "ბებერი ქალბატონის" მაისურით 36 შეხვედრაში ითამაშა და 3 საგოლე გადაცემის გაკეთება მოახერხა.