კორონავირუსის პანდემიის შემდეგ შექმნილი კრიზისის გამო საფეხბურთო კლუბები ფეხბურთელებს ანაზღაურებას უმცირებენ.
ლონდონის "არსენალის" გერმანელმა ნახევარმცველმა, მესუთ ოზილმა ხელფასის ცვლილებაზე უარი განაცხადა - აღნიშნულ ინფორმაციას ინგლისური მედია ავრცელებს. მესუთი "მეთოფეების" ყველაზე მაღალანაზღაურებადი მოთამაშეა - ის 350 ათას ევროს იღებს კვირაში. ამის მიუხედავად, ხელფასის 12.5%-ით შემცირებაზე გერმანელი უარს აცხადებს.
ოზილის ამ გადაწყვეტილებას სამარცხვინოდ აფასებს ბრიტანული მედია. "არსენალის" კიდევ 2 ფეხბურთელი, რომელთა ვინაობაც უცნობია, ოზილის პოზიციაზე არიან.
ინფორმაციისთვის გეტყვით, რომ "არსენალი" გახდა პირველი ინგლისური გუნდი, რომელმაც მომდევნო წლის მარტამდე 12.5%-ით შემცირებული ანაზღაურების მიღებაზე ფეხბურთელებთან შეთანხმებას მიაღწია.
სამაგიეროდ, ჩემპიონთა ლიგაზე მოხვედრის შემთხვევაში "მეთოფეებს" ხელმძღვანელები ბონუსებს ჰპირდებიან.