ოსიმენი ალ ჰილალზე: ,,რაც უფრო მეტ ,,არას'' ვამბობდი, ფინანსური შემოთავაზება უფრო იზრდებოდა''

,,ნაპოლის'' თავდამსხმელმა, ვიქტორ ოსიმენმა, დაადასტურა, რომ ზაფხულში არაბეთიდან სარფიანი შემოთავაზება ნამდვილად ჰქონდა, თუმცა, ნიგერიელმა, საბოლოოდ, იტალიურ გუნდში დარჩენა გადაწყვიტა.

ზაფხულში დაიწერა, რომ ,,ალ ჰილალი'' მზად იყო, ,,ნაპოლისთვის'' ოსიმენის სანაცვლოდ 120 მილიონი ფუნტი გადაეხადა, თავად ფეხბურთელს კი არაბული კლუბი კვირაში 1 მილიონ ფუნტს სთავაზობდა.

მიმდინარე სეზონში 24 წლის ნიგერიელის ანგარიშზე ,,ნაპოლის'' მაისურით ჩატარებულ 10 შეხვედრაში 6 გოლი და 1 საგოლე გადაცემაა. ფორვარდს ტრავმის გამო 8 ოქტომბრის შემდეგ არ უთამაშია.