ოლიმპიადის საფეხბურთო ტურნირის ჯგუფები ცნობილია

საფრანგეთის დედაქალაქში პარიზის 2024 წლის ოლიმპიადის საფეხბურთო ტურნირის ჯგუფური ეტაპის წილისყრა გაიმართა.

16 ნაკრები, რომელთაგან 12-ის ვინაობა უკვე ცნობილია, 4 ოთხგუნდიან ჯგუფში გადანაწილდა:

• A ჯგუფი - საფრანგეთი, აშშ, საკვალიფიკაციო ეტაპის გამარჯვებული აზია/აფრიკიდან, ახალი ზელანდია

• B ჯგუფი - არგენტინა, მაროკო, აზიის 23-წლამდელთა თასის მესამეადგილოსანი, უკრაინა

• C ჯგუფი - აზიის 23-წლამდელთა თასის მეორეადგილოსანი, ესპანეთი, ეგვიპტე, დომინიკის რესპუბლიკა

• D ჯგუფი - აზიის 23-წლამდელთა თასის გამარჯვებული, პარაგვაი, მალი, ისრაელი

ოლიმპიადის საფეხბურთო ტურნირი 24 ივლისს დაიწყება და 9 აგვისტოს დასრულდება.

მოქმედი ჩემპიონი ბრაზილიაა, რომელმაც 2021 წელს ფინალში ესპანეთს მოუგო.