ოფიციალურად: ნაპოლიმ ლეანდერ დენდონკერი დაიმატა

"ნაპოლიმ" 2024 წლის ზამთრის სატრანსფერო ფანჯრის დროს მორიგი ტრანსფერი განახორციელა.

ინფორმაცია, რომელიც გასული დღეების განმავლობაში იტალიურ და ბრიტანულ მედიაში ვრცელდებოდა, ახლა უკვე ოფიციალურად დადასტურდა.

28 წლის ფეხბურთელი იტალიის მოქმედმა ჩემპიონმა 2023/24 წლების სეზონის დასრულებამდე "ასტონ ვილადან" იჯარის წესით და გამოსყიდვის უფლებით დაიმატა.

ბელგიის ნაკრების ფეხბურთელი "ანდერლეხტის" აღზრდილია და აქამდე "ვულვზში" და "ასტონ ვილაში" თამაშობდა. ბელგიის ეროვნული გუნდის შემადგენლობაში 32 მატჩში მას 1 გოლი აქვს გატანილი და 1 საგოლე პასი გაკეთებული.