ოფიციალურად: კრისტოფერ ნკუნკუ მილანის ფეხბურთელია

ფრანგი ფეხბურთელი კრისტოფერ ნკუნკუ ჩელსიდან კარიერას მილანში გააგრძელებს. 27 წლის შემტევის ტრანსფერი იტალიურ გუნდს 37 მილიონი ევრო დაუჯდა, მან გუნდთან კონტრაქტი 2030 წლამდე გააფორმა. ასევე ცნობილია, რომ ის 18-ნომრიან მაისურს მოირგებს.

ნკუნკუ პარი სენ-ჟერმენის აკადემიის აღზრდილია, 2015-დან 2019 წლამდე კი მთავარ გუნდშიც ასპარეზობდა, ამის შემდეგ ის ლაიფციგში (2019-დან 2023-მდე) თამაშობდა, მილანში გადასვლამდე კი ლონდონის ჩელსიში ირიცხებოდა.

ფრანგ ფეხბურთელს კარიერის განმავლობაში 356 მატჩი აქვს ჩატარებული, რა დროშიც 113 გოლი გაიტანა და 71 საგოლე გადაეცემა შეასრულა.