ოფიციალურად: ფრანკო მასტანტუონო რეალ მადრიდის ფეხბურთელია

ოფიციალურად: ფრანკო მასტანტუონო რეალ მადრიდის ფეხბურთელია, ეს ინფორმაცია სამეფო კლუბმა უკვე დაადასტურა. არგენტინელი ფეხბურთელი რეალში რივერ პლეიტიდან გადავიდა და 6-წლიანი კონტრაქტი გააფორმა. 17 წლის ფეხბურთელის შეძენა მადრიდულ კლუბს 45 მილიონი ევრო დაუჯდა.

მასტანტუონო რივერ პლეიტის აღზრდილია და მათ ახალგაზრდულ გუნდში 2019 წლიდან 2024 წლამდე ასპარეზობდა, 2024-დან დღემდე კი პირველი გუნდის წევრი იყო. მან მოახერხა და 1 ტიტული, არგენტინის სუპერთასი უკვე მოიგო. ისტორიაში ის ყველაზე ახალგაზრდა ფეხბურთელი გახდა, რომელმაც არგენტინის ეროვნული ნაკრების შემადგენლობაში ოფიციალური მატჩი ჩაატარა. ის ასევე რივერ პლეიტის ისტორიაში ყველაზე ახალგაზრდა ფეხბურთელია, რომელმაც გოლი გაიტანა.