ნაპოლი სპალეტის ახალ კონტრაქტს და გაზრდილ ხელფასს შესთავაზებს
,,ნაპოლის'' მფლობელს, აურელიო დე ლაურენტისს სურს, რომ გუნდმა მთავარ მწვრთნელთან, ლუჩიანო სპალეტისთან, კონტრაქტი გაახანგრძლივოს. ინფორმაციას La Gazzetta dello Sport-ი ავრცელებს.
ნეაპოლელებს შეეძლოთ, ხელშეკრულების ავტომატურად გაგრძელების პუნქტით ესარგებლათ, თუმცა, დე ლაურენტისი აპირებს, რომ სპეციალისტს ახალი, ორწლიანი კონტრაქტი და გაზრდილი ხელფასი (4 მილიონი სეზონში, პლუს ბონუსები) შესთავაზოს. მხარეები მოლაპარაკებებს რამდენიმე დღეში დაიწყებენ.
სპალეტიმ ,,ნაპოლი'' 2021 წელს ჩაიბარა. იტალიის სერია A-ს მიმდინარე სეზონში ,,პარტენოპეის'' 27 ტურის შემდეგ 71 ქულა აქვს და მეორეადგილოსან ,,ლაციოს'' 19 ქულით უსწრებს.
64 წლის მწვრთნელს ნეაპოლურ კლუბთან ამჟამინდელი ხელშეკრულება 2023 წლის ზაფხულამდე აკავშირებს.
Napoli president De Laurentiis: “Luciano Spalletti will stay at Napoli, no chance to leave the club at the end of the season”. 🔵🇮🇹 #SerieA
— Fabrizio Romano (@FabrizioRomano) March 24, 2023
Spalletti’s contract will be extended in the next weeks/months — the plan is clear. pic.twitter.com/eEvI5m9pUk
სხვა სტატიები
