'მოუთმენლად ველი ჩაკვეტაძის სრულ გამოჯანმრთელებას' - უოტფორდის მწვრთნელი

გიორგი ჩაკვეტაძეს წინა სეზონიდან გადმოყოლილი ტრავმა აწუხებს. სეზონისწინა ამხანაგური თამაშები (უიმბლდოთან და ბორჰემ ვუდთან) მან უკვე გამოტოვა, თუმცა როგორც უოტფორდის ოფიციალური საიტი წერს, გიორგი გამოჯანმრთელების პროცესი ბოლო ეტაპზეა. ქართველი ფეხბურთელი ფეხთან დაკავშირებულ პრობლემას აწყდება და ინტენსიურად მუშაობს როგორც საწვრთნელ მოედნებზე, ასევე სპორტდარბაზში. პაულო პეცოლანო (უოტფორდის მწვრთნელი) იმედოვნებს, რომ ის მოედანზე სეზონისწინა ბოლო ამხანაგურ მატჩში, ან კიდევ უფრო ადრე დაბრუნდება.

სეზონის ოფიციალურ დაწყებამდე, უოტფორდს კიდევ ორი ამხანაგური მატჩი აქვს ჩასატარებელი, 26 ივლისს ლეიტონ ორიენტის, ხოლო 30 ივლისს დეპორტივოს წინააღმდეგ. მოსალოდნელია, რომ ყველაზე ცუდ ვითარებაშიც კი, გიორგის დეპორტივოსთან თამაში შეეძლება.