მილანი და ინტერი შეთანხმდნენ - სან სირო დაინგრევა
მსოფლიოში ერთ-ერთი ყველაზე გამორჩეული საფეხბურთო სტადიონი "სან სირო" მთლიანად დაინგრევა.
იტალიური გამოცემა La Gazzetta dello Sport-ის ცნობით, მილანისა და ინტერის საშინაო მოედანი 2026 წლის ზამთრის ოლიმპიური თამაშების შემდეგ მთლიანად დაინგრევა. მილანური კლუბების ახალი სტადიონის აშენება 1 მილიარდი ფუნტი დაჯდება. ის იგივე ლოკაციაზე იქნება, თუმცა, ახალი სახელით, "კათედრალი".
თავდაპირველად იგეგმებოდა, რომ ახალი სტადიონის მშენებლობისას "სან სიროს" ელემენტები ხელუხლებელი დარჩებოდა. საუბარი იყო ერთ-ერთ სპირალურ კიბეზე, რომელიც სტადიონის საკულტო ექსტერიერს ქმნის. მაგრამ, გადაწყდა რომ მთელი სტადიონი დაინგრევა და მის ადგილას ახალი 60,000 ადგილიანი "კათედრალი" აშენდება.
🏟️ | STADIO
— Inter ⭐⭐ (@Inter) December 21, 2021
Il concept presentato dallo studio Populous, noto come "la Cattedrale", è risultato essere il progetto prescelto per il @NuovoStadioMI 👉 https://t.co/sr52p2L6HX pic.twitter.com/Ms3ttjA2XV
გეგმის თანახმად, "სან სირო" 2026 წლის ზამთრის ოლიმპიური თამაშების გახსნის ცერემონიის შემდეგ დაინგრევა. მაგრამ, ეს ყველაფერი გადაწყვეტილი არ არის. კლუბები აპირებენ, რომ საჯარო დებატები გამართონ სტადიონის დანგრევის თემაზე. თუ დემონტაჟს დათანხმდებიან, სამშენებლო სამუშაოები 2024 წელს დაიწყება, რათა 2027-2028 წლების სეზონისთვის დროულად გაიხსნას.
სხვა სტატიები
