მიკელ არტეტა: "გუნდისთვის ეს მხოლოდ დასაწყისია. სამომავლოდ უფრო დიდი მიზნები გვაქვს."

მიკელ არტეტამ საკუთარ ფეხბურთელებს მოუწოდა, რომ პრემიერ ლიგის მოგების შემდეგ, გუნდი სრულიად ახალ დონეზე აიყვანონ და თითოეულმა მათგანმა, მოქმედი ჩემპიონის სტატუსთან დაკავშირებული პასუხისმგებლობა სრულად აიღოს. ესპანელ სპეციალისტს მიაჩნია, რომ ეს წარმატება არა საბოლოო მიზანი, არამედ ის საწყისი ეტაპია, რომელიც გუნდის მომავალ წარმატებებს უნდა დაედოს საფუძვლად. კლუბის ოფიციალურ ვებგვერდთან საუბრისას, არტეტამ ნათლად აღნიშნა, რომ ჩრდილოეთ ლონდონურ კლუბში მიღწეული ეს წარმატება, თვითკმაყოფილების მიზეზი არ გახდება. მისი თქმით, პრემიერ ლიგის მოგება, ახალი ეპოქის დასაწყისი უნდა იყოს და არა ერთჯერადი ტრიუმფი.

პრემიერ ლიგის ტიტულის დაცვისთვის მზადების პარალელურად, არტეტას ამოცანაა, გამარჯვებულის მენტალიტეტი, მოედანზეც სრულად აისახოს. არსენალის მთავარ მწვრთნელს, მოლოდნი აქვს, რომ მისი ფეხბურთელები, ახალი სეზონის პირველივე დღიდან, კიდევ უფრო დიდ ამბიციას და გამარჯვებისაკენ სწრაფვას გამოავლენენ.

22-წლიანი უტიტულო პერიოდის დასრულების შემდეგ, ჩრდილოეთ ლონდონში, მოლოდინები მნიშვნელოვნად შეიცვალა. ახლა არტეტასა და არსენალს ყველაზე რთული გამოცდა ელით - მწვერვალზე დარჩენა და იმის დამტკიცება, რომ წარმატება შემთხვევითი არ ყოფილა, ხოლო სრულყოფილება არსენალის ყოველდღიურ სტანდარტად იქცა.