"მესტალიას გიგანტი ხდება, ფინალის საგზური უშუალოდ მოიპოვა" - როგორ გამოეხმაურა ესპანური მედია მამარდაშვილის თამაშს?

"ვალენსიამ" სამეფო თასის ფინალის საგზური მოიპოვა და ამაში უდიდესი დამსახურება უშუალოდ გონსალო გედეშს და გიორგი მამარდაშვილს მიუძღვის. როცა გუნდი ამას ყველაზე ნაკლებად იმსახურებდა, გედეში გენიად მოევლინა "ვალენსიას" "ლა კარტუხას" ბილეთის საყიდლად. მამარდაშვილმა 23 აპრილის სევილიის საგზურისთვის უპირატესობის შესანარჩუნებლად მაქსიმუმი გააკეთა. ბილბაოს "ატლეტიკი" უიმედოდ ეძებდა გზას იმისთვის, რომ მამარდაშვილის კარი აეღო, თუმცა "ვალენსიამ" მაღალი თავდაცვითი ქსელი ჩამოაყალიბა, რომლის დაძლევაც მარსელინომ ვერ შეძლო.  არის მომენტები, რომლებსაც შეუძლიათ შეცვალონ მატჩის მიმდინარეობა. არიან რჩეული მეკარეები, რომელთაც შეუძლიათ გამოჩნდნენ და გადაარჩინონ თავიანთი გუნდი ზუსტად გადამწყვეტ მომენტში. დიახ, ის ვინც ეს ყველაფერი "მესტალიაზე" ხუთშაბათს გააკეთა, გიორგი მამარდაშვილი იყო, რომელიც თავისი გუნდის გიგანტი ხდება. ორი საკვანძო ქმედება, ორი გადარჩენა, რამაც საშუალება მისცა ბორდალასის ფეხბურთელებს უგოლო ფრე შეენარჩუნებინათ მატჩში და წინააღმდეგობა გაუწიეს "ატლეტიკს". ქართველი ჯერ კიდევ ძალიან ახალგაზრდაა, მაგრამ მის პროგრესი "ვალენსიასთვის" მნიშვნელოვან ადამიანად გახდომის პერსპექტივაზე მიუთითებს", - წერს ესპანური პრესა.