მეორედ კარიერაში - ერლინგ ჰოლანდმა L'Equipe-სგან 10-ქულიანი შეფასება დაიმსახურა
ჩემპიონთა ლიგის მერვედფინალური ეტაპის საპასუხო მატჩში ,,მანჩესტერ სიტიმ'' ,,ლაიფციგს'' უმასპინძლა და 7:0 დაამარცხა. ისტორიული შეხვედრა ჩაატარა მასპინძელი გუნდის თავდამსხმელმა, ერლინგ ჰოლანდმა, რომელმაც მეტოქეს 5 გოლი გაუტანა.
ფრანგულმა გამოცემამ, L'Equipe-მა, ნორვეგიელის თამაში უმაღლესი (10) ქულით შეაფასა, ასეთი რამ კი ისტორიაში მხოლოდ მეთექვსმეტედ მოხდა.
აღსანიშნავია, რომ ჰოლანდმა L'quipe-სგან 10-ქულიანი შეფასება მეორედ დაიმსახურა, მსგავსი რამ კი ჯერჯერობით მხოლოდ ლეო მესიმ შეძლო.
ფეხბურთელები, რომლებმაც L'Equipe-სგან უმაღლესი შეფასება მიიღეს:
1. ფრანკ სოზე - 21-წლამდელებს შორის 1988 წლის ევროპის ჩემპიონატის ფინალში სოზემ საბერძნეთთან მოგებულ მატჩში (3:0) დუბლი გაიფორმა.
2. ბრუნო მარტინი - საფრანგეთის ნაკრების მეკარემ იმავე მატჩში კარი მშრალად შეინახა და გაზეთისგან უმაღლესი შეფასება დაიმსახურა.
3. ოლეგ სალენკო - რუსმა თავდამსხმელმა 1994 წლის მსოფლიო ჩემპიონატზე კამერუნს 5 გოლი გაუტანა.
4. ლარს ვინდფილდი - ორჰუსის დანიელ მეკარეს L'Equipe-მა ათიანი ნანტთან მატჩში დაუწერა.
5. ლეო მესი - 2010 წელს ლეომ არსენალს ჩემპიონთა ლიგის მეოთხედფინალში პოკერი შეუსრულა.
6. ლეო მესი - 2 წლის შემდეგ, მესიმ ლევერკუზენის კარი 5-ჯერ აიღო.
7. რობერტ ლევანდოვსკი - 2013 წელს პოლონელმა ჩემპიონთა ლიგის ნახევარფინალში რეალს 4 გოლი გაუტანა.
8. კარლოს ედუარდო - ნახევარცველმა 2014 წელს გენგამთან 7-2 მოგებულ მატჩში თავი 5-ჯერ გამოიჩინა.
9. ნეიმარი - 2018 წელს პარი სენ ჟერმენმა დიჟონს 8:0 მოუგო, ნეიმარმა 4 გოლი გაიტანა და 2 საგოლე გადაცემა მიითვალა.
10. დუშან ტადიჩი - რეალთან სტუმრად მოგებულ შეხვედრაში (4:1) ტადიჩმა მეტოქეს მხოლოდ ერთი გოლი გაუტანა, მაგრამ სერბის შესანიშნავი თამაში მაინც 10 ქულით შეფასდა.
11. ლუკას მოურა - ჩემპიონთა ლიგის 2018/2019 წლების სეზონში ტოტენჰემმა ნახევარფინალური ეტაპი აიაქსთან საოცარი ქამბექით დაძლია, ლონდონელების სამივე გოლი ლუკას მოურას ანგარიშზეა.
12. სერჟ გნაბრი - ბაიერნის შემტევმა 2019 წელს ტოტენჰემის კარი 4-ჯერ აიღო.
13. კილიან მბაპე - 22 წლის ფეხბურთელს ეროვნულ ნაკრებში შესრულებული პირველი პოკერი ფრანგულმა გაზეთმა 10 ქულით დაუფასა.
14. ერლინგ ჰოლანდი - ნორვეგიელმა მანჩესტერ იუნაიტედთან მოგებულ მატჩში (6:3) ჰეთთრიკი გაოფორმა და 2 საგოლე გადაცემა მიითვალა.
15. დომინიკ ლივაკოვიჩი - ხორვატიის ნაკრების მეკარემ ბრაზილიასთან, მსოფლიო ჩემპიონატის მეოთხედფინალური ეტაპის მატჩში, 10 სეივი შეასრულა. პენალტების სერიაში კი როდრიგოს დარტყმა მოიგერია და მისი გუნდის გამარჯვებაში უდიდესი როლი შეასრულა.
Dans l'histoire de «L'Équipe», la note de 10 n'avait été attribuée que quinze fois avant ce match parfait d'Erling Haaland avec City contre Leipzig. Pour le Norvégien, c'est déjà la deuxième fois... https://t.co/ZrCXV3pkQM pic.twitter.com/6PBrI9B2PL
— L'ÉQUIPE (@lequipe) March 14, 2023