მენოტი: ,,დი მარიას მარადონას, კემპესისა და მესის დონეზე ვაყენებ''

არგენტინის ეროვნული ნაკრების ყოფილმა მთავარმა მწვრთნელმა, სესარ ლუის მენოტიმ, ანხელ დი მარიაზე ისაუბრა:

,,დი მარია არის ფეხბურთელი, რომელიც ისეთივე აღიარებას იმსახურებს, როგორსაც სხვა დიდი მოთამაშეები. მას მარადონას, კემპესისა და მესის დონეზე ვაყენებ.

ჩემი აზრით, ის არის ფეხბურთელი, რომელიც, ისე წარმოადგენდა არგენტინულ ფეხბურთს, როგორც სხვა არავინ.

ყველას, ვისაც ფეხბურთი ესმის, მას პატივს ცემს და ვინც პირადად იცნობს, უყვარს. ჩემთვის დი მარია მისაბაძი მაგალითია,'' - მენოტის სიტყვებს Goal.com-ი ციტირებს.

დი მარიამ გასული სეზონი ,,იუვენტუსში'' გაატარა. არგენტინელმა ტურინული გუნდის მაისურით ჩატარებულ 40 შეხვედრაში 8 გოლი გაიტანა და 7 საგოლე გადაცემა მიითვალა.