მბაპემ საფრანგეთის ნაკრების საუკეთესო ბომბარდირთა შორის მე-2 ადგილზე გადაინაცვლა

მსოფლიო ჩემპიონატის შესარჩევი ეტაპის შეხვედრაში საფრანგეთის ნაკრები ისლანდიას მასპინძლობს. პირველი ტაიმის შემდეგ ანგარიში ფრედ, 1:1-ია.

45-ე წუთზე თერთმეტმეტრიანით ისარგებლა კილიან მბაპემ, რომელსაც ეროვნულ გუნდში 52 გოლი (92 მატჩში) დაუგროვდა.

შედეგად, 26 წლის შემტევმა საფრანგეთის ნაკრებში გატანილი გოლების რაოდენობით ტიერი ანრის (51) გადაუსწრო და მეორე ადგილზე გადაინაცვლა.

ახლა კილიანი მხოლოდ ოლივიე ჟირუს ჩამორჩება, რომლის ანგარიშზე 57 გოლია.