მბაპე: "2 საათი გასახდელში ჯდომა რთული იყო"

მსოფლიო ჩემპიონატის ჯგუფური ეტაპის მეორე ტურში, საფრანგეთის ნაკრებმა, როგორც მოსალოდნელი იყო, პლეი-ოფის საგზური გაინაღდა. ფილადელფიის დამღლელ საღამოს (მატჩი 4 საათს გაგრძელდა), მბაპეს დუბლითა და დემბელეს ერთი გოლით, ფრანგებმა ერაყს უმარტივესად მოუგეს. ეს პირველი შეხვედრა იყო ამ მუნდიალზე, რომელიც შტორმის მოლოდინის გამო, პირველი ტაიმის შემდეგ შეწყდა და 2 საათის შემდეგ გაგრძელდა. კილიან მბაპემ, თავისი ისტორიული გოლები, ორივე ტაიმში გაიტანა.

საფრანგეთის მწვრთნელმა, დიდიე დეშამმა განაცხადა, რომ გრძელი შესვენება ფეხბურთელებთან ხუმრობაში 'გადააგორა'.

მბაპეს ამჟამად მსოფლიო ჩემპიონატზე 16 გოლი აქვს გატანილი, რითაც ტურნირამდელ რეკორდსმენს, მიროსლავ კლოზეს გაუთანაბრდა, ფრანგს ლეო მესი 2 გოლით უსწრებს.

მბაპეს ჟურნალისტები ეუბნებოდნენ, რომ შეუძლია, ერთ მსოფლიო ჩემპიონატზე გატანილი გოლების რეკორდი დაამხოს - ეს რეკორდი ფრანგ ჟუსტ ფონტენს ეკუთვნის, რომელმაც 1958 წელს შვედეთში 13 გოლი გაიტანა - მბაპემ ამის საპასუხოდაც თქვა, რომ პირად მიღწევებზე ფიქრის დრო მუნდიალზე არაა.