მარკუს რაშფორდი ატლეტიკო მადრიდთან არ ითამაშებს

ბარსელონას ინგლისელი ფეხბურთელი მარკუს რაშფორდი, ესპანეთის თასის 1/2-ფინალში ატლეტიკო მადრიდის წინააღმდეგ მატჩს გამოტოვებს, ინფორმაციას კატალონიური გუნდი აქვეყნებს.

გასული ტურის შეხვედრაში მალიორკას წინააღმდეგ, 28 წლის შემტევმა მუხლი დაიზიანა, დღეს ბარსელონას მიერ გამოქვეყნებულ განცხადებაში წერია, რომ გუნდი გარისკვას არ აპირებს და სიფრთხილის მიზნით რაშფორდი ატლეტიკოსთან არ ითამაშებს.

შეგახსენებთ, რომ ბარსელონამ მალიორკა 3:0 დაამარცხა, მარკუს რაშფორდმა კი დაზიანება პირველი ტაიმის მიწურულს მიიღო, მაგრამ მატჩის გაგრძელება შეძლო და 67-ე წუთზე შეცვალეს.

ატლეტიკოსა და ბარსელონას ორმატჩიანი დაპირისპირების პირველი 1/2-ფინალური შეხვედრა ხვალ, მეტროპოლიტანოზე 23:55 საათზე დაიწყება, გუნდებს შორის მეორე შეხვედრა 4 მარტს შედგება.