მარიო ბალოტელი კარიერას შვეიცარიის ჩემპიონატში გააგრძელებს
იტალიელი თავდამსხმელი, მარიო ბალოტელი ,,სიონში'' ითამაშებს. ინფორმაციას შვეიცარული გუნდის ოფიციალური ვებგვერდი ავრცელებს.
32 წლის ფეხბურთელის ტრანსფერი, რომელმაც ახალ კლუბთან 2-წლიანი ხელშეკრულება გააფორმა, 2.6 მილიონი ევრო დაჯდა.
ბალოტელი ბოლოს ,,ადანა დემირსპორში'' თამაშობდა, სადაც ჩატარებულ 35 შეხვედრაში 19 გოლი გაიტანა და 7 საგოლე გადაცემა მიითვალა. მარიო რამდენიმე დღის წინ, ყოფილი გუნდის მთავარ მწვრთნელს, ვინჩენცო მონტელას, ,,უმრანიესპორთან'' მატჩის შემდეგ, სიტყვიერად დაუპირისპირდა.
მიმდინარე სეზონში ,,სიონი'' შვეიცარიის სუპერლიგის 6 ტურის შემდეგ 8 ქულით მე-6 ადგილს იკავებს. ბალოტელის ახალი გუნდი მომავალ შეხვედრას 3 სექტემბერს, ,,ბაზელის'' წინააღმდეგ გამართავს.
📸 Le premier jour de Mario Balotelli en Valais ! ❤️
— FC Sion (@FCSion) September 1, 2022
✅ Premier entraînement ce matin
✅ Première conférence de presse#FCSion #TousEnsemble❤️🤍 pic.twitter.com/ETKXQWGz7u