მანჩესტერ სიტიმ ახალი ფეხბურთელი დაიმატა

"ქალაქელებმა"  ხულიან ალვარესის ტრანსფერი ოფიციალურად დაადასტურეს. როგორც ცნობილია, არგენტინელმა ფეხბურთელმა 5 წლიან კონტრაქტს მოაწერა ხელი. მიუხედავად ამისა, თავდამსხმელი წლის ბოლომდე, იჯარის წესით, "რივერ პლეიტში" დარჩება.

Welcome, Julian! 💙✨#ManCity pic.twitter.com/c8p0faK2K3 — Manchester City (@ManCity) July 8, 2022

"ძალიან ბედნიერი ვარ, რომ ამ კლუბის ნაწილი ვარ. ბავშვობაში ყოველთვის ვოცნებობდი  ევროპაში  საუკეთესო კლუბებში და ჩემპიონატებში მეთამაშა. ამიტომ აქ ყოფნა ჩემთვის ძალიან სასიხარულოა" - ეს იყო მისი პირველი კომენტარი "სიტიში" გადასვლის შემდეგ.

"მე სხვადასხვა შემტევ პოზიციებზე მითამაშია, თუმცა ჩემი სპეციალობა წინ სივრცეების პოვნაა. გარდა ამისა, ვფიქრობ რომ საკმაოდ კარგი ფინიშერი ვარ. "სიტის" თამაშებს ხშირად ვუყურებ  და ის სტილი, რომლითაც გუნდი თამაშობს ძალიან მომწონს და ვფიქრობ სათამაშო სქემაში კარგად ჩავჯდები."

"მე მქონდა შესაძლებლობა მესაუბრა მასთან. ჩვენი პირველი შეხვედრა თებერვალში შედგა, როდესაც ხელმოწერა დადასტურდა. ის მსოფლიოში ერთ-ერთი საუკეთესო მწვრთნელია, რომელიც  წარმატებით წვრთნიდა მსოფლიოში საუკეთესო კლუბებს. მსურს პეპის დიდი გეგმის ნაწილი გავხდე.  ვფიქრობ მასთან ურთიერთობა მომცემს შანსს გავიზარდო, როგორც ფეხბურთელი და როგორც ადამიანი.

Our new number 1️⃣9️⃣🕷#ManCity pic.twitter.com/4SS6RdQyMa — Manchester City (@ManCity) July 8, 2022