ლუის ენრიკემ პსჟ-ში კიდევ ერთი რეკორდი დაამყარა

საფრანგეთის ლიგა 1-ის მე-9 ტურის შეხვედრაში პარი სენ-ჟერმენმა ლე ავრი სტუმრად 1:5 დაამარცხა.

აღნიშნული შეხვედრა ლუის ენრიკესთვის ისტორიული გამოდგა, მისთვის პარიზულ კლუბში ყველა ტურნირის ეგიდით ეს 127-ე გამარჯვებაა, რაც კლუბის ისტორიაში ახალი რეკორდია.

ლუის ენრიკემ ლე ავრთან გამარჯვებით ლორან ბლანს გადაუსწრო. მას მთავარი მწვრთნელის რანგში ჩატარებულ 188 მატჩში შთამბეჭდავი შედეგი აქვს: 127 გამარჯვება და მხოლოდ 27 მარცხი (გამარჯვების მაჩვენებელი - 67,6%, საშუალოდ 2,21 ქულა თამაშში). მისი ხელმძღვანელობით პარი სენ-ჟერმენმა 457 გოლი გაიტანა, რაც თითო მატჩში საშუალოდ 2,4 გოლს შეადგენს.

პარი სენ-ჟერმენის TOP 4 საუკეთესო მწვრთნელი მოგებათა მაჩვენებლით:

1. ლუის ენრიკე - 127 გამარჯვება

2. ლორან ბლანი - 126 გამარჯვება

3. ლუის ფერნანდესი - 125 გამარჯვება

4. ჟორჟ პეიროში - 100 გამარჯვება