ლივერპულის ვარსკვლავი ლეო მესის შეადარეს

უკანასკნელ მატჩებში დაფიქსირებული ბრწყინვალე სტატისტიკის შედეგად, "ლივერპულის" ვარსკვლავი - დომინიკ სობოსლაი ლეო მესის შეადარეს.

სობოსლაი "ლივერპულს" ზაფხულის სატრანსფერო ფანჯრის დროს შეუერთდა და მერსისაიდული გრანდის რიგებში ერთ-ერთ გამოკვეთილ ლიდერად იქცა. უნგრელმა ნახევარმცველმა პრემიერ ლიგაში გასაოცარი მატჩები ჩაატარა და ახლა სანაკრებო პაუზის დროს, ფენომენალური სტატისტიკა კიდევ უფრო გააუმჯობესა.

უკანასკნელ სანაკრებო დაპირისპირებაში, უნგრეთმა მონტენეგრო 3:2 დაამარცხა და ამის მთავარი შემოქმედი დომინიკ სობოსლაი გახდა, რომელმაც დუბლი გაიფორმა და თავი საგოლე გადაცემითაც გამოიჩინა. სობოსლაის მეთაურობით უნგრეთმა 2024 წლის ევროპის ჩემპიონატის საგზური მოიპოვა - ვარსკვლავმა კი ეს წარმატება უნგრელ ფანებთან ერთად, ტრიბუნაზე აღნიშნა, სადაც ტრადიციული უნგრული სასმელი - პალინკა დააგემოვნა.

გასაოცარი მატჩების შემდეგ, დომინიკ სობოსლაი თანაგუნდელმა ლეო მესის შეადარა. კიპერმა დენეს დიბუსზმა INDEX-სთან საუბარში, სობოსლაის მიმართ საქებარი სიტყვები არ დაიშურა და აღნიშნა, რომ ის ნამდვილი ლიდერია.