ჯესი ლინგარდმა "იუნაიტედთან" კონტრაქტის ამოწურვის შემდეგ, მანჩესტერული გუნდის თავისუფალი აგენტის სტატუსით დატოვება გადაწყვიტა.
ამჟამად 29 წლის ინგლისელი ახალ კლუბს ეძებს, ხოლო ESPN-ის ცნობით, ჯესი ამერიკის შეერთებულ შტატებში გაემგზავრება.
ცნობილია, რომ MLS-ის რამდენიმე გუნდი ლინგარდის შეძენით არის დაინტერესებული, რის გამოც ინგლისელი ყველა შეთავაზებას ადგილზევე მოისმენს.
შეგახსენებთ, რომ გასულ სეზონში ლინგარდმა 22 მატჩი ჩაატარა. ჯესის ანგარიშზე 2 გოლი და 1 საგოლე გადაცემაა.