ლეონარდო ბონუჩი იუვენტუსის წინააღმდეგ სასამართლო დავას აპირებს
სოციალურ ქსელში გავრცელებული ინფორმაციის თანახმად, "იუვენტუსის" ყოფილი ფეხბურთელი ლეონარდო ბონუჩი "ბებერი ქალბატონის" წინააღმდეგ სასამართლოში სარჩელს შეიტანს. იტალიელი მცველის მტკიცებით, ტურინულ კლუბში გატარებულმა ბოლო თვეებმა გავლენა იქონია როგორც იმიჯზე, ასევე ჯანმრთელობაზე. აღნიშნულ ინფორმაციას გავლენიანი იტალიელი ჟურნალისტი ჯანმარკო დი მარციოც ადასტურებს.
⚠️ Leonardo Bonucci will initiate legal action against Juventus.
— Fabrizio Romano (@FabrizioRomano) September 12, 2023
“Lack of adequate training conditions available to him, damage of image and professional nature”.
Any gainings will be donate by Bonucci to Neuroland charity, supporting families of children hospitalised in Turin. pic.twitter.com/aTkLQOVU2r
ლეონარდო ბონუჩის თქმით, ბოლო თვეებში "იუვენტუსში" სრულფასოვანი ვარჯიშის საშუალება არ ეძლეოდა. ფეხბურთელის თქმით, მას ისეთ ობიექტებზე ეზღუდებოდა წვდომა, როგორიცაა კლუბის სპორტული დარბაზი, საცურაო აუზი და რესტორანი. გარდა ამისა, ბონუჩი ამტკიცებს, რომ ვარჯიშების დროს გუნდის დანარჩენი წევრებისგან იზოლირებული იყო. იტალიელმა მცველმა ისიც განაცხადა, რომ სასამართლო პროცესის მოგება არა პირადი ანგარიშსწორების, არამედ პრინციპის საკითხია.
აქვე ისიც უნდა აღინიშნოს, რომ სოციალურ ქსელში გავრცელებული ინფორმაციის თანახმად, ნებისმიერი თანხა, რომელსაც ლეონარდო კომპენსაციის სახით მიიღებს, ბავშვთა საავადმყოფოში გადაირიცხება.
სხვა სტატიები
