მადრიდის რეალის მეკარე ტიბო კურტუას სერიოზული პრობლემები აქვს.
ბელგიელი გოლკიპერი ზინედინ ზადანმა ჩემპიონთა ლიგაში "ბრიუგესთან" (2:2) მატჩის პირველი ტაიმის შემდეგ, მუცლის ტკივილისა და თავბრუს ხვევის გამო შეცვალა.
თუმცა ეს ყველაფერი არ არის, მატჩის შემდეგ, "სამეფო კლუბის" კარის დარაჯმა თავი იმდენად მძიმედ იგრძნო, რომ ავტომანქანის მართვაც ვერ შეძლო და "სანტიაგო ბერნაბეუდან" სახლში მამის დახმარებით დაბრუნდა.
შეგახსენებთ, პირველ ტაიმში კურტუამ დენისისგან კურიოზული გოლი გაუშვა, მეორე ნახევარში კი ის ალფონსო არეოლამ შეცვალა.
