კრისტიან ატსუ ნანგრევებში იპოვეს და საავადმყოფოში გადაიყვანეს

,,ჰატაისპორის'' ფეხბურთელი, კრიტიან ატსუ, რომელიც თურქეთში მომხდარი მიწისძვრის შემდეგ, შენობის ნანგრევებში მოხვდა, ცოცხალი იპოვეს და საავადმყოფოში გადაიყვანეს.

ატსუს ჯანმრთელობის შესახებ დეტალური ინფორმაცია ჯერჯერობით არ გავრცელებულა, თუმცა, როგორც თურქულ მედიაში იწერება, განელს მარჯვენა ფეხის დაზიანებები და სუნთქვის პრობლემები აქვს.

კრისტიან ატსუ ,,ჰატაისპორში'' გასულ ზაფხულს გადავიდა და გუნდის მაისურით სადებიუტო გოლი კვირას, 5 თებერვალს გაიტანა.

თურქეთში დღეს რამდენიმე ძლიერი მიწისძვრა მოხდა, რასაც ასობით ადამიანის სიცოცხლე ემსხვერპლა. ადგილობრივი მედიის ინფორმაციით, ნანგრევების ქვეშ ათასობით ადამიანია მოყოლილი.