კორინთიანსის პრეზიდენტი: ,,ალ ნასრმა რონალდუს 20-ჯერ დიდი ხელფასი შესთავაზა''

,,კორინთიანსის'' პრეზიდენტმა, დუილიო მონტეირომ, განაცხადა, რომ მისი გუნდი მოლაპარაკებებს კრიშტიანუ რონალდუსთან მართავდა:

,,რონალდუს ისეთივე ხელფასი შევთავაზეთ, როგორიც ,,მანჩესტერ იუნაიტედში'' ჰქონდა. კონტრაქტი ორწლიანი იქნებოდა.

ჟორჟე მენდეშთან რამდენიმეჯერ ვისაუბრე, თუმცა ,,ალ ნასრმა'' კრიშტიანუს 20-ჯერ დიდი ხელფასი შესთავაზა.

როცა პირობებს განვიხილავდით , იმედი მქონდა, რომ არ დათანხმდებოდა... ვხუმრობ... ვფიქრობ, უნდა გვეცადა. ჩვენ საუკეთესო ფეხბურთელები უნდა ვეძებოთ,'' - მონტეიროს სიტყვებს ESPN-ი ციტირებს.

რონალდუმ ,,ალ ნასრთან'' კონტრაქტი 2025 წლამდე გააფორმა და წელიწადში 200 მილიონ ევროს მიიღებს.

,,მანჩესტერ იუნაიტედმა’’ კრიშტიანუსთან კონტრაქტი ნოემბერში გაწყვიტა, მანამდე 37 წლის ფეხბურთელმა ,,წითელი ეშმაკები’’ პირს მორგანთან ინტერვიუში მწვავედ გააკრიტიკა.