ხვიჩა კვარაცხელია სეზონის საუკეთესო ფეხბურთელად დასახელდა
სერია A-მ სეზონის საუკეთესო ფეხბურთელი დაასახელა და ეს არც მეტი არც ნაკლები - ხვიჩა კვარაცხელიაა.
Kvaratskhelia is the Player of the Season in Serie A 🙌
— Lega Serie A (@SerieA_EN) June 2, 2023
A standout debut season which earns him well deserved a spot in the #SerieA💎 Team Of The Season 😍#TOTS @EASPORTSFIFA @EA_FIFA_Italia pic.twitter.com/mBdhsIUw8r
ხვიჩამ შეძლო და მის სადებიუტო სეზონშივე მოიგო იტალიის ჩემპიონატი. შეგახსენებთ, რომ "ნაპოლის" სერია A ბოლოს 33 წლის წინ ჰქონდა მოგებული და ეს მშრალი სერია სწორედ კვარაცხელიამ დაასრულა.
იტალიურ კლუბში გადასვლისთანავე გამოჩნდა, რომ ხვიჩა გუნდის ერთ-ერთი ლიდერი გახდებოდა და ასეც მოხდა. ოსიმენთან ერთად კვარაცხელიამ შესანიშნავი დუეტი შექმნა და ისინი მეტოქეებისთვის ნამდვილ თავის ტკივილად იქცნენ.
2022/2023 წლების სეზონში ხვიჩამ იტალიის უმაღლეს ლიგაში 33 შეხვედრა ჩაატარა და მეტოქის კარი 12-ჯერ აიღო. ამასთან ერთად კვარაცხელიამ 13 საგოლე გადაცემაც მიითვალა. გარდა ამისა, ქართველი შემტევი არაერთხელ დასახელდა თვის საუკეთესო მოთამაშედ.
სხვა სტატიები
