კარიერაში მეოთხედ: პრემიერლიგის საუკეთესო
"ლესტერის" თავდამსხმელი ჯეიმი ვარდი ინგლისის პრემიერლიგის ოქტომბრის თვის საუკეთესო ფეხბურთელად დასახელდა. პრემიერლიგის ოფიციალურ ვებ-გვერდზე ჩატარებულ გამოკითხვაში, ინგლისის ნაკრების ყოფილმა ფორვარდმა "ჩელსის" შემტევი ტომი აბრაჰამი და "მანჩესტერ სიტის" თილისმა სერხიო აგუერო დაამარცხა. ვარდიმ, რომელიც ინგლისის ჩემპიონატის ბომბარდირთა დავას სათავეში უდგას, წინა თვეში 4 გოლის გატანა მოახერხა, მისი გუნდი კი სენსაციურად, 11 ტურის შემდეგ მესამე პოზიციას ინარჩუნებს და მხოლოდ მოქმედ და ვიცე-ჩემპიონს, შესაბამისად "მანჩესტერ სიტის" და "ლივერპულს" ჩამორჩება. ასეთი აღიარება 32 წლის ფეხბურთელმა კარიერაში მეოთხედ მიიღო. ორჯერ ვარდი "მელიების" საჩემპიონო სეზონში, ერთხელ კი მიმდინარე წლის აპრილში აღიარეს.
3⃣ games, 4⃣ goals, 1⃣ hat-trick@vardy7 is your October #PL POTM 🏆 pic.twitter.com/PCKcGV5QrJ— EA SPORTS FIFA (@EASPORTSFIFA) November 8, 2019