ისტორიული გადაწყვეტილება - უეფა თანახმაა, ვილიარეალისა და ბარსელონას მატჩი აშშ-ში ჩატარდეს
1 თვის წინ
ფეხბურთი
1 წთ
უეფამ ვილიარეალისა და ბარსელონას შეხვედრის მაიამიში ჩატარების იდეას მწვანე აუნთო. ეს იქნება პირველი შემთხვევა, როცა ლა ლიგის მატჩი ევროპის ფარგლებს გარეთ გაიმართება.
გარდა ამისა, ავსტრალიაში ჩაინიშნა სერია A-ს მატჩი მილანსა და კომოს შორის.
მიღებული გადაწყვეტილების მიუხედავად, უეფას განცხადებაში ვკითხულობთ, რომ ორგანიზაცია ეროვნული ჩემპიონატის მატჩების ქვეყნის ფარგლებს გარეთ ჩატარებას არ მიესალმება და ზემოაღნიშნული 2 შეხვედრა გამონაკლისად უნდა მივიჩნიოთ.
,,ლიგის მატჩები სახლში უნდა ჩატარდეს, ნებისმიერი სხვა გადაწყვეტილება ერთგული გულშემატკივრების უფლებებს ლახავს.
მიღებული გადაწყვეტილება გამონაკლისია და არ უნდა ჩაითვალოს პრეცედენტად. ჩვენი ვალდებულებაა, დავიცვათ ეროვნული ჩემპიონატების მთლიანობა.'' - ალექსანდრ ჩეფერინი
ვილიარეალისა და ბარსელონას მატჩი 20 დეკემბერს, მაიამიში, Hard Rock Stadium-ზე გაიმართება, მილანისა და კომოს შეხვედრას კი თებერვალში ავსტრალია უმასპინძლებს.
🚨 Luz verde de la UEFA al Villarreal - Barcelona en Miami
— MARCA (@marca) October 6, 2025
*Fecha pendiente de confirmación pic.twitter.com/eL1vIDqVHR
სხვა სტატიები
