ინგლისის ნაკრები ნიუკასლში 19 წლის შემდეგ პირველად ითამაშებს

The Athletic-ის ცნობით, ინგლისის ნაკრები მზად არის ივნისში სახლში ორი ამხანაგური მატჩი ჩაატაროს, იქამდე სანამ გერმანიაში ევრო 2024 აიღებს სტარტს. "სამი ლომი" 3 ივნისს "სენტ ჯეიმს პარკზე" ბოსნიას დაუპირისპირდება, შემდეგ კი, 7 ივნისს, ისლანდიას მიიღებს, ამჯერად უემბლის სტადიონზე. 2005 წლის შემდეგ ეს იქნება პირველი შემთხვევა, როცა "კაჭკაჭების" საშინაო მოედანი ინგლისის ნაკრების საერთაშორისო მატჩს უმასპინძლებს.

ნიუკასლის სტადიონზე, ამ დრომდე, 18 საერთაშორისო მატჩი გაიმართა, საიდანაც 7 შემთხვევაში ინგლისის ეროვნულმა გუნდმა ითამაშა. ბოლოს სენტ ჯეიმს პარკმა საერთაშორისო მატჩს 2023 წლის სექტემბერში უმასპინძლა, როდესაც საუდის არაბეთმა კოსტა-რიკასა და სამხრეთ კორეასთან ამხანაგური მატჩები ჩაატარა.