იმედგაცრუება | ლამპარდმა დუმილი დაარღვია
3 წლის წინ
ფეხბურთი
3 წთ
"უდიდესი პრივილეგია და პატივია "ჩელსის" გაწვრთნა. კლუბი, რომელიც დიდი ხანია ჩემს ცხოვრებაში განსაკუთრებულ ადგილს იკავებს. პირველ რიგში მინდა მადლობა გადავუხადო გულშემატკივრებს, მათგან 18-თვის განმავლობაში უდიდეს მხარდაჭერას ვგრძნობდი. იმედია, იციან, რომ ეს ყველაფერი ჩემთვის ძალიან ბევრს ნიშნავს. "როდესაც მთავარი მწვრთნელის პოსტს დავთანხმდი, სრულად მქონდა გააზრებული ის გამოწვევები, რომლის წინაშეც რთულ სიტუაციაში მყოფი კლუბი დგას. ვამაყობ იმ წარმატებით, რომელსაც ერთად მივაღწიეთ. ვამაყობ აკადემიის აღზრდილი იმ ფეხბურთელებით, რომლებიც ძირითად გუნდში დაწინაურდნენ და თავი ჩინებულად წარმოაჩინეს. ისინი კლუბი მომავალი არიან. იმედგაცრუებული ვარ, რომ მიმდინარე სეზონში სიტუაციის გამოსწორებისა და "ჩელსის" დაწინაურების შესაძლებლობა არ მომეცა. მინდა მადლობა გადავუხადო ბატონ აბრამოვიჩს, ბორდს, ფეხბურთელებს, ჩემს სამწვრთნელო შტაბსა და ნებისმიერ ადამიანს, რომელიც "ჩელსის" თავდაუზოგავად ემსახურება - განსაკუთრებით ამ რთულ და გამომწვევ პერიოდში. კლუბს და გუნდის წევრებს მომავალში წარმატებას ვუსურვებ."ლამპარდის შესაცვლელად "ჩელსი" დროს არ კარგავს. გავრცელებული ინფორმაციით, "არისტოკრატების" მთავარი მწვრთნელის პოსტს "დორტმუნდისა" და "პარი სენ-ჟერმენის" ყოფილი მთავარი მწვრთნელი - ტომას ტუხელი ჩაიბარებს.