იამალი: 'საფრანგეთს მოვუგებთ, საუკეთესო ფეხბურთელზე არ ვისაუბრებ'

ხუთშაბათს შტუტგარტში ერთა ლიგის ნახევარფინალური შეხვედრა გაიმართება, ერთმანეთს ესპანეთისა და საფრანგეთის ნაკრებები დაუპირისპირდებიან. გარდა პრესტიჟული ტურნირის ფინალის საგზურისა, ამ მატჩს კიდევ ერთი დამატებითი ინტრიგა ახლავს. იამალი და დემბელე ერთმანეთის პირისპირ - ორი ფეხბურთელი, რომელიც ოქროს ბურთის მთავარი ფავორიტია. ჟურნალისტმა იამალს ასეთი კითხვა დაუსვა: ვის მისცემთ ხმას ოქროს ბურთზე? წლის საუკეთესო მოთამაშეს თუ ხუთშაბათს გამარჯვებულს?

ამ ორ ფეხბურთელს შორის დიდი კონკურენციაა, დემბელემ ლიგა 1, საფრანგეთის თასი და ჩემპიონთა ლიგა მოიგო, ხოლო 17 წლის იამალმა ლა ლიგა, ესპანეთის თასი და ესპანეთის სუპერთასი. დემბელემ კლუბისა და ნაკრების შემადგენლობაში ყველა ტურნირზე 35 გოლი გაიტანა, ხოლო იამალმა - 19.

2025 წლის ოქროს ბურთის ჯილდოს ნომინანტები აგვისტოს დასაწყისში გამოცხადდებიან, ცერემონია კი 22 სექტემბერს გაიმართება.