იაია ტურემ ერთმანეთს 2009 წლის ბარსელონა და 2023 წლის სიტი შეადარა
კატალონიის ,,ბარსელონასა'' და ,,მანჩესტერ სიტის'' ყოფილი ფეხბურთელის, იაია ტურეს აზრით, 2009 წლის ,,ბარსელონა'' დღევანდელ ,,სიტის'' დაამარცხებდა:
,,ტიერი ანრი, მესი და ეტო'ო მსოფლიოში საუკეთესოები იყვნენ. მათ შემდეგ ხავი და ინიესტა, შემდეგ მე და ბუსკეტსი... ეს გუნდი ისეთი სრულყოფილი იყო... გაიხსენეთ ინიესტა 26-27 წლის ასაკში, ხავი - 28 წლის. ეს ფეხბურთელები იმ დროს წარმოუდგენელ დონეზე იყვნენ. ეს ოცნების გუნდი იყო. ასეთი ,,სიტის'' წინააღმდეგ ბრძოლა რთული იქნებოდა, მაგრამ ამდენი სუპერვარსკვლავისგან შემდგარი გუნდი 100%-ით მოიგებდა.
რაც შეეხება მანჩესტერელთა ტრებლს, როცა ამ გუნდში გადავედი, თავიდანვე ვიწინასწარმეტყველე, რომ ერთ მშვენიერ დღეს ისინი ,,იუნაიტედს'' აჯობებდნენ,'' - იაია ტურეს სიტყვებს Daily Mail-ი ციტირებს.
იაია ტურე ,,ბარსელონაში'' 2007-2010, ,,მანჩესტერ სიტიში'' კი 2010-2018 წლებში თამაშობდა. ნახევარმცველმა კატალონიურ გუნდთან ერთად ლა ლიგა (2-ჯერ), ჩემპიონთა ლიგა, ესპანეთის თასი, სუპერთასი, უეფას სუპერთასი და მსოფლიოს საკლუბო ჩემპიონატი მოიგო, ,,ქალაქელებთან'' ერთად კი - პრემიერლიგა (3-ჯერ), ინგლისის თასი, ლიგის თასი (2-ჯერ) და სუპერთასი.
Which team would win in a match, 2009 Barça or 2023 Man City?
— Barça Universal (@BarcaUniversal) July 9, 2023
Yaya Touré: "It would be difficult, but that Barça team, with a mix of superstars and so many great players, I think they'd win 100%... That team was a dream." pic.twitter.com/Rce4tNTVKo