ჰარი მაგუაიერმა მანჩესტერ იუნაიტედთან კონტრაქტი გაახანგრძლივა

მანჩესტერ იუნაიტედის ცენტრალურმა მცველმა, ჰარი მაგუაიერმა გუნდთან ახალი კონტრაქტი 2027 წლამდე გააფორმა, კიდევ ერთი სეზონით გახანგრძლივების შესაძლებლობით.

წინა კონტრაქტი 2025/26 წლების სეზონის შემდეგ იწურებოდა, მაგრამ მაიკლ კერიკის მწვრთნელობით, ხარისხიანი თამაშის შემდეგ, ხელმძღვანელობამ გადაწყვიტა, მაგუაიერისთვის ახალი პირობები შეეთავაზებინა.

ჰარი მაგუაიერი მანჩესტერ იუნაიტედში 2019 წლის ზაფხულის შემდეგ თამაშობს და 266 მატჩში 17 გოლი აქვს გატანილი და 9 საგოლე პასი გაკეთებული. 33 წლის მცველმა გუნდთან ერთად ინგლისის ასოციაციის და ლიგის თასი მოიგო. ამ სეზონში, მაიკლ კერიკის გაწვრთნილი გუნდი ჩემპიონთა ლიგაზე დაბრუნებისთვის იბრძვის.