გვარდიოლა ვაისზე: ,,ნასვამი ხომ არ იყო?!''

1 წთ

,,სლოვან ბრატისლავას'' მთავარმა მწვრთნელმა, ვლადიმირ ვაისმა, ,,მანჩესტერ სიტისთან'' მატჩის წინ, პეპ გვარდიოლა ესპანელ არქიტექტორს, ანტონიო გაუდის შეადარა:

,,პეპ გვარდიოლას ანტონიო გაუდის შევადარებდი. ის აშენებს რაღაც ისეთს, რასაც ვერავინ გაიგებს, ის ნამდვილი გენიოსია!

მან ფეხბურთი საკუთარი მიდგომებითა და კრეატიულობით შეცვალა. გვარდიოლა ირჩევს ფეხბურთელებს, რომლებიც მის ფილოსოფიას შეეფერებიან.

მე მიყვარს ანჩელოტიც, კლოპიც, მაგრამ პეპმა საკუთარი მიდგომებითა და, კარგი გაგებით, სიჯიუტით, ფეხბურთი შეცვალა.'' - ვლადიმირ ვაისი

ვლადიმირ ვაისის კომენტარს პეპ გვარდიოლა გამოეხმაურა:

,,გაუდის შემადარა? მართლა? ღვინო ჰქონდა დალეული?

რისი თქმა შემიძლია? ალბათ, უბრალოდ, მადლობა უნდა გადავუხადო. გაუდი უდიდესი იყო. როცა საგრადა ფამილიას სტუმრობ, მის ხედვას გრძნობ და ამავდროულად, საკუთარ თავს ეუბნები, რომ ეს შეუძლებელია...'' - პეპ გვარდიოლა

დღეს, ჩემპიონთა ლიგის მე-2 ტურში, ,,სლოვან ბრატისლავა'' ,,მანჩესტერ სიტის'' უმასპინძლებს. მატჩი 23:00 საათზე დაიწყება.

Pep Guardiola on comparisons to Antoni Gaudí by @SKSlovan manager, Vladimír Weiss: “No glass of wine, my colleague, right? Before he said that?” 😂

🎥 @HaytersTV pic.twitter.com/Q594juH63h
— City Xtra (@City_Xtra) September 30, 2024

თაზო ერისთავი

სხვა სტატიები