გონსალუ რამუში: "თუ ვინმე ძირითადში უნდა თამაშობდეს, ეს მე ვარ..."

პორტუგალიის ნაკრების თავდამსხმელმა, გონსალუ რამუშმა ეროვნულ გუნდში არსებულ კონკურენციასა და კრიშტიანუ რონალდუსთან ერთად თამაშის პერსპექტივაზე ღიად ისაუბრა. ახალგაზრდა ფორვარდმა მკაფიოდ აღნიშნა, რომ ძირითად შემადგენლობაში ადგილის დამკვიდრება სურს, თუმცა მიაჩნია, რომ ლეგენდარულ თანაგუნდელთან მოედანზე პოზიციების გაყოფა სავსებით რეალურია.

მიუხედავად იმისა, რომ კონფლიქტამდე და ნაკრებიდან წასვლამდე, კრიშტიანუ რონალდუს სტატუსი გუნდში ურყევი იყო, რამუში თვლის, რომ მათ ტაქტიკურად ერთმანეთის შევსება შეუძლიათ. მან გაიხსენა, რომ მსგავსი პრაქტიკა წარსულშიც ყოფილა და მათი ტანდემის ხილვა სრულებით შესაძლებელია.

აღსანიშნავია, რომ პორტუგალიის ნაკრებში რონალდუს გარშემო სიტუაცია ყოველთვის ყურადღების ცენტრშია, განსაკუთრებით ბოლო სანაკრებო შესვენებაზე მომხდარი გახმაურებული მოვლენების ფონზე.

პორტუგალიის ფეხბურთის ფედერაციამ, რონალდუს, გასულ კვირას, საწვრთნელი ბანაკის 30 სექტემბერს დატოვებისთვის, 30-დღიანი დისკვალიფიკაცია დააკისრა. თუმცა, სასჯელის ათვლა ინციდენტის დღიდან დაიწყო, რის გამოც, ფეხბურთელს შეუძლია, მოახლოებულ სანაკრებო პაუზაზე ითამაშოს.