გლადბახის ვარსკვლავს ლიმფური კვანძების სიმსივნე დაუდგინდა
"გლადბახისა" და ავსტრიის საფეხბურთო ნაკრების მარჯვენა მცველი - შტეფან ლაინერი სიმსივნითაა დაავადებული.
წინასასეზონო სამედიცინო გამოკვლევების შედეგად დადგინდა, რომ 30 წლის მცველი ლიმფური კვანძების სიმსივნითაა დაავადებული და მკურნალობის ხანგრძლივი კურსის გავლა მოუწევს. აღნიშნულის შესახებ, "გლადბახმა" ოფიციალური განცხადება გაავრცელა.
"შტეფან ლაინერი ჩვენს დახმარებას რამდენიმე თვის განმავლობაში ვერ შეძლებს. სამედიცინო შემოწმების გავლის შემდეგ, 30 წლის მარჯვენა მცველს, ლიმფური კვანძების სიმსივნე დაუდგინდა. ის მკურნალობის რამდენიმეთვიან კურსს გაივლის. ჩვენ, შენს გვერდით ვართ", - აღნიშნულია "გლადბახის" ოფიციალურ განცხადებაში.
Stefan Lainer will be missing from action for several months. After medical examinations, the 30-year-old right-back has been diagnosed with lymphoma. He will undergo several months of treatment.
— Gladbach (@borussia_en) July 27, 2023
We're all behind you, Stevie 💚
📰 https://t.co/97SMEU9Gu6 pic.twitter.com/anfK3xk5Oi
შეგახსენებთ, ლაინერი "გლადბახის" ღირსებას 2019 წლიდან იცავს და ამ დროის განმავლობაში, ბუნდესლიგის 102 შეხვედრაში მიიღო მონაწილეობა. ავსტრიის ნაკრების მაისური, ლაინერმა 38 შეხვედრაში მოირგო.
