გიორგი მამარდაშვილის შეფასება ჩელსის წინააღმდეგ

ინგლისის პრემიერ ლიგის მე-7 ტურის შეხვედრაში ლივერპული ჩელსის ესტუმრა და მატჩი ლონდონელთა გამარჯვებით 2:1 დასრულდა. მე-14 წუთზე მოიზეს კაისედომ ჩელსი დააწინაურა, 63-ე წუთზე კოდი გაკპომ გაათანაბრა, ხოლო შეხვედრის მიწურულს ესტევაომ საბოლოო ანგარიში დააფიქსირა.

გიორგი მამარდაშვილმა მატჩი ძირითადი შემადგენლობიდან დაიწყო, ქართველ მეკარეს 4 მოგერიება ჰქონდა, 2-ჯერ გამოვიდა კარიდან და ორივე წარმატებული გამოდგა, ბურთს 64-ჯერ შეეხო, 43-დან 34 გადაცემა ზუსტად შეასრულა (79%), 2 ორთაბრძოლაში მიიღო მონაწილეობა და ორივეში გაიმარჯვა.

ორი გოლის გაშვების მიუხედავად გიორგის ერთ-ერთი საუკეთესო შეფასება ჰქონდა.

მამარდაშვილის შეფასება სხვადასხვა სპორტული საიტების მიხედვით:

• Sofascore - 6.7

• Flashscore - 7.0

• Whoscored - 7.2

ლივერპული პრემიერ ლიგის ცხრილში 15 ქულით მე-2 ადგილზეა (5 მოგება, 2 მარცხი). მომდევნო შეხვედრას მერსისაიდული გუნდი 19 ოქტომბერს მანჩესტერ იუნაიტედის წინააღმდეგ ჩაატარებს, მატჩი 19:30 საათზე გაიმართება.