გიორგი მამარდაშვილი : "წაგება ცუდია, მაგრამ ჩემპიონატი ხანგრძლივია"

ინგლისის პრემიერ ლიგის მერვე ტურის ცენტრალური დაპირისპირება 'ენფილდზე' შედგა. ლივერპულმა მანჩესტერ იუნაიტედს უმასპინძლა და 1:2 დამარცხდა. მერსისაიდელებისთვის ამ წაგების სიმძაფრეს ისიც განაპირობებდა, რომ მანჩესტერმა, 2016 წლის შემდეგ, პირველად მოახერხა სტუმრად ლივერპულის დამარცხება. ალისონის ტრავმის გამო, ძირითად შემადგენლობაში იყო გიორგი მამარდაშვილი, რომელმაც მატჩის შემდეგ კომენტარი გააკეთა.

ლივერპულს საშინელი პერიოდი უდგას - კლუბმა ზედიზედ მეოთხე თამაში წააგო (3 პრემიერ ლიგაში, 1 - ჩემპიონთა ლიგაზე). ჯერჯერობით, ფლორიან ვირცი თავის გამოჩენას ვერ ახერხებს, არნე სლოტმა გერმანელი ფეხბურთელი, მანჩესტერთან, ძირითად შემადგენლობაში არ დააყენა.

ლივერპულს 15 ქულა აქვს და სატურნირო ცხრილის პირველადგილოსან არსენალს 4 ქულით ჩამორჩება.