გიორგი მამარდაშვილი 'მესტალიამ' გააცილა

ლა ლიგის ბოლოსწინა ტურში ვალენსიამ ბილბაოს უმასპინძლა და 0:1 დამარცხდა. ვალენსიელებმა სეზონის მთავარი ამოცანა შეასრულეს და ლა ლიგაში ადგილი შეინარჩუნეს, თუმცა ევროტურნირებზე ასპარეზობას ვეღარ მოახერხებენ.

გიორგი მამარდაშვილისთვის ეს ბოლო მატჩი იყო მესტალიაზე - ვალენსიას მაისურით. გულშემატკივრები საქართველოს ნაკრების მეკარეს გულთბილად დაემშვიდობნენ.

მამარდამ ვალენსიაში 4 სეზონი გაატარა და 100 შეხვედრაზე მეტი ჩაატარა. ის ლივერპულმა წინა ზაფხულს, ევროპის ჩემპიონატის შემდეგ შეიძინა, ერთი სეზონით ვალენსიაში დატოვა, ახლა კი მერსისაიდელებს შეუერთდება.