ფრანგ ფეხბურთელებს მაიამიში გართობა აეკრძალათ

საფრანგეთის ეროვნული ნაკრების ფეხბურთელები ხუთშაბათს, მაიამიში, თავისუფალი საღამოს გატარებას იმედოვნებდნენ, თუმცა მთავარი მწვრთნელი, დიდიე დეშამი მიიჩნევს, რომ შაბათს, ინგლისის ნაკრების წინააღმდეგ გასამართ მსოფლიო ჩემპიონატის „მცირე ფინალში“ მათ კიდევ ერთი მატჩი აქვთ მოსაგები.

თითქოს, საფრანგეთის ნაკრებისთვის მუნდიალი დასრულდა, თუმცა სინამდვილეში წინ კიდევ ერთი ბრძოლაა. გუნდი მაიამიში მესამე ადგილისთვის მატჩის სათამაშოდ ჩავიდა - იმ შეხვედრისთვის, რომელშიც მოედანზე გასვლა არავის სურს, მათ შორის არც ინგლისელებს.

ხუთშაბათს, ბოსტონიდან 15:00 საათზე გამოფრენამდე, ფეხბურთელთა აბსოლუტურ უმრავლესობას ერთი სული ჰქონდა, მაიამიში ჩასვლისთანავე თავისუფალი დრო მიეღო. მათ უბრალოდ განტვირთვა და გონების გათავისუფლება სურდათ. თუმცა, მიუხედავად აქტიური მცდელობისა და ხანგრძლივი მოლაპარაკებებისა (სადაც შუაღამისას სასტუმროში დაბრუნების პირობასაც კი დებდნენ), მოთამაშეებმა მიზანს ვერ მიაღწიეს.

დიდიე დეშამს არ სურს, რომ ეს ტურნირი და, სავარაუდოდ, მისი ეპოქა ეროვნული ნაკრების სათავეში, ზედიზედ ორი მარცხით დასრულდეს.